خلّيه يلّع

تحت الُدش
دي علاقة expire أساساً
(أحكمت ربط كيس الشعر)
دي مش علاقة أصلاً ، ده بيكلمني كأني واحد صاحبه

(ارسلت يدها مرات عديدة لإختبار درجة حرارة المياة)
وبعدين كلامه كله عادي جداً ، مين قالك أن في حاجة ؟.....غير أنو بقى عارف كل تفاصيل حياتك !

(حولت بيدها الذراع لتأتي المياة من أعلى وتدخل في غمار الماء الساخن)

مش هلكمه تاني ،،،،(بحزم)مش هكلمه تاني.
أبداً
لو أهتم يبقى حاسس حاجة ناحيتي ، لو لأ يبقى هرتاح من الموال ده و أعرف اني مش في دماغه.

أمام مرآة الحمام

(أثناء غسيل الأسنان)

مضمضت

 أنا أفتح الفيس بوك قبل ما أمشي و أخليه أون

فرّشت اسنانها بعنف ، نزلت برأسها لمستوى الماء ، مضمضت ، ثم ارتفعت مره أخرى و تبدت على وجهها نظرة شريرة

وخليه يلّع ، ويبقى يوريني بقى ، عشان عاملي فيها هندي و الأخويه مقطّعاه .

في الغرفة

أثناء الجاهزية و قبل النزول
شغّلت الحاسب الآلي
ارتدت ملابسها بالكامل
رجعت مرّه أخرى للحاسب ، فتحت المستعرض و ذهبت
غيّرت الوضع من أوف لاين إلى أون لاين

عايزاك تلّع ....سمّعني
وضعت بعضاً من الكريم ، رفعت ذقنها للأعلى محمكة الحجاب تحت ذقنها ....لتتأمل وجهاً غير الذي كان.

أمسكت بحقبتها و راحت إلى باب الشقّة ...فتحت الباب


سمعت صوت مألوف يأتي من الداخل فهرعت بسرعة ، أغلقت الباب ، جرت إلى غرفتها ، بينما هي كذلك تكرر الصوت (تــن) - صوت الرسالة على الــFacebook

سحبت الكرسي و ظهرت على وجهاها بشاشة لم نرها مذ كانت في الحمام

Ahmed Zekry : :)                                1 min ago
Saba7 el 5er

Ahmed Zekry : any body hoooooome ?               22 sec

ثم كُتب على الشاشة

Sarah is typing now ........